Aku tesih kelingan, menawa bapak nembang Tak Lelo LedhunX  yen aku nangis utawa arep tilem.”tak lelo,lelo ledhung, jumenenga anakku sing ayu (hueee…saiki wis dadi akhwat!:P). Kawit cilik aku uga dolanan karo bocah liyane, menyang kisik nalika sawise subuh. Teluk penyu ndek jaman iku tesih resik, ana kerang sing apik lan isa digawa bali nggo dolanan. Aku mlaku karo kanca lan mbakkurame-rame, numpak kapal mandeg, dolanan banyu,kerang, pasir, kanthi srengenge rada padang.Biayasane ora padha gawa duit, ya ora jajan menawa kapethuk bakul serabi,gembus,utawa dolanan bocah.

Yen dina minggu, aku rame-rame nonton tivi ning omaeh mbak Dwi, nonton Doraemon, Candy-Candy,Dragon Ball.Biyen sing duwe tivi kuwi setitik cacahe.Biyasane mung ngrungokake radio.Nah,aku dhewek ya luwih akeh dolanan ning jaba.Pekarangan ngarep umah jembar, ana uwit jambu sing gedhe, aku bisa nggawe menek, utawi gawe kemah ning ngisore.Dolanan nganti sore, jonjang umpet,petak suramanda,petak payung, jonjang patung, cublak-cublak suweng,dolanan bekel.Yen kali cilik sing nggo drainase akeh banyune,aku rame-rame nyeser urang kali. Kancaku sing beja enthuk sepat, bethik, iwak lombokan,utawa yuyu kali. Kabeh mung kanggo dolanan,menawa iwak gedhe ya isa dimasak (namung kantun siji-loro..:D)

Nalika sore arep maghrib, aku lan kancaku padha ngaji ning griyane Pak Rohman kanthi jam pitu. Wayah bengi ya dolanan maneh.Ya, sing akeh bocah lanang pada dolan (cah wedhok sinau?hee!). Menawa padhang wulan, waduh saduluran padha rame,budhal ning latar jaba mrisani wulan bunder ning awang-awang, bocah dolan jonjang umpet,padha mlayu,ngguyu kanthi kesel… Tembang kang dadi crita nggambarake kahananane yaiku Padang Wulan :

Yo pra kanca dolanan ing jaba, Padhang wulan padhange kaya rina…
Rembulane e sing awe awe, Ngelilangake aja padha turu
sore

Yo pra kanca dolanan ing jaba, Rame-rame kene akeh kancane
Langite pancen sumebyar rina, Yo padha dolanan sinambi
guyonan

Dene saiki wis beda. Bocah-bocah Cilacap wis seneng merga ana tontonan TV,wegah dolan ning jaba.Ya,uga amarga lapangane wis sempit dadi omah lan bale liyane. Tembang-tembang dolanan wis arang. Saiki wis jamane dolanan online sing wis dibuka ning akeh warnet-warnet, ngoleksi lagu-lagu gaweane MNC, chatting lan sms-an ning hp. Lah siji maneh, iki uga sing diarani la culturische nation.

Alhamdulilah, aku menangi jaman “jadul” dene ora duwe TV kanthi SD kelas lima lan hp kanthi kuliyah.Lah pas bapak kagungan hp ya ora canggih kaya hp-ne bocahan jaman saiki.Hm…iku critane cilikanku ning Cilacap. Banjur, Kados pundi critane panjenengan?